2024-ലെ ലോകത്തിലെ ഏറ്റവും മികച്ചതും മോശവുമായ വിമാനത്താവളങ്ങളുടെ പട്ടിക പുറത്തിറക്കി എയർഹെൽപ്. ലോകത്തിലെ മികച്ച വിമാനത്താവളങ്ങളിൽ ഏഴാം സ്ഥാനം കരസ്ഥമാക്കി മസ്‌കത്ത് അന്താരാഷ്ട്ര വിമാനത്താവളമാണ്. ഈ വർഷം ഒന്നാം സ്ഥാനം കരസ്ഥമാക്കിയത് ഖത്തറിലെ ഹമദ് അന്താരാഷ്ട്ര വിമാനത്താവളമാണ്.വിമാന യാത്രക്കാർക്ക് അവരുടെ ഫ്‌ളൈറ്റ് റദ്ദാക്കപ്പെടുകയോ വൈകുകയോ ഓവർബുക്ക് ചെയ്യുകയോ ചെയ്യുമ്പോൾ വിമാനക്കമ്പനികളിൽ നിന്ന് നഷ്ടപരിഹാരം നേടാൻ സഹായിക്കുന്ന കമ്പനിയാണ് എയർ ഹെൽപ്. യാത്രക്കാരുടെ അനുഭവങ്ങൾ, സമയപാലനം, ഭക്ഷണപാനീയ സൗകര്യങ്ങൾ, ഷോപ്പിംഗ് സൗകര്യങ്ങൾ തുടങ്ങിയവയുടെ അടിസ്ഥാനത്തിലാണ് കമ്പനി പട്ടിക തയ്യാറാക്കിയത്. 239 വിമാനത്താവളങ്ങളെ പരിഗണിച്ചാണ് കമ്പനി പഠനം നടത്തിയത്.
2023 മെയ് 1 മുതൽ 2024 ഏപ്രിൽ 30 വരെയുള്ള കാലയളവിൽ 64 രാജ്യങ്ങളിൽ നിന്നുള്ള യാത്രക്കാരിൽ നടത്തിയ സർവേയിലൂടെയാണ് 17,550 റേറ്റിംഗ്‌സ് ശേഖരിച്ചത്. ഈ വർഷം ഒന്നാം സ്ഥാനം കരസ്ഥമാക്കിയത് ഖത്തറിലെ ഹമദ് അന്താരാഷ്ട്ര വിമാനത്താവളമാണ്.
