വേനൽ ചൂട് കടുത്തതോടെ യുഎഇയിൽ യെല്ലോ അലർട്ട് പ്രഖ്യാപിച്ചു. അന്തരീക്ഷത്തിൽ പൊടിനിറഞ്ഞ് ദൂരക്കാഴ്ച കുറയുന്ന സാഹചര്യം ഉള്ളതിനാൽ ഡ്രൈവർമാർക്ക് അടക്കം മുന്നറിയിപ്പ് നൽകിയിരിക്കുകയാണ് ദേശീയ കാലാവസ്ഥ കേന്ദ്രം. കൂടാതെ വാഹനമോടിക്കുന്നവർ ജാഗ്രത പുലർത്തണമെന്നും ശ്രദ്ധയോടെ വാഹനമോടിക്കണമെന്നും ഫോണിലും മറ്റും നോക്കി അശ്രദ്ധമായി വാഹനമോടിക്കരുതെന്നും അബുദാബി പൊലീസ് അറിയിച്ചു.