അവധിക്കാല തിരക്ക് നിയന്ത്രിക്കാൻ അബുദാബി ഹിന്ദു ക്ഷേത്രത്തിൽ വീണ്ടും മുൻകൂർ രജിസ്ട്രേഷൻ സൗകര്യം ആരംഭിച്ചു. വിശ്വാസികൾക്ക് ശാന്തമായും സമാധാനമായും പ്രാർത്ഥിക്കാനുള്ള അവസരമാണിതെന്നും അധികൃതർ വ്യക്തമാക്കി. പൊതു അവധികളും ഹൈന്ദവ ഉത്സവങ്ങളും സന്ദർശകരുടെ എണ്ണം വലിയ തോതിൽ വർധിപ്പിച്ചിട്ടുണ്ട്. സ്കൂൾ അവധിയായതിനാൽ ക്ഷേത്ര സന്ദർശനത്തിനെത്തുന്ന കുടുംബങ്ങളുടെ എണ്ണത്തിലും വർധനയുണ്ട്. വൈശാഖി, വിഷു, തമിഴ് പുതുവർഷം, ബിഹു, രാമനവമി, ഹനുമാൻ ജയന്തി എന്നീ ഹൈന്ദവ ആഘോഷങ്ങളാലും അടുത്ത രണ്ടാഴ്ച തിരക്ക് വീണ്ടും ഉയരാൻ സാധ്യതയുള്ളതിനാലാണ് മുൻകൂർ രജിസ്ട്രേഷൻ ആരംഭിച്ചത്. ചൊവ്വ മുതൽ ഞായർ വരെ രാവിലെ ഒൻപത് മുതൽ രാത്രി എട്ട് മണി വരെ സന്ദർശകർക്ക് പ്രവേശനം അനുവദിക്കുക. രജിസ്ട്രേഷൻ ഉൾപ്പടെയുള്ള വിവരങ്ങൾക്ക് https://www.mandir.ae/visit എന്ന വെബ്സൈറ്റ് സന്ദർശിക്കുക
