ഒമാനില് ചൂതാട്ടം നടത്തിയ പ്രവാസികള് അറസ്റ്റില്. തെക്കന് ശര്ഖിയ ഗവര്ണറേറ്റില് ചൂതാട്ടം നടത്തിയതുമായി ബന്ധപ്പെട്ട് 19 പ്രവാസികളെ ആണ് അറസ്റ്റ് ചെയ്തത്. ഏഷ്യന് വംശജരായ പ്രതികളെ അല് കാമില് അല് വാഫി വിലായത്തില് നിന്ന് തെക്കന് ശര്ഖിയ ഗവര്ണറേറ്റ് പൊലീസ് കമാന്ഡ് ആണ് പിടികൂടിയത്. ഇവര്ക്കെതിരെ നിയമനടപടികള് പൂര്ത്തിയാക്കി വരികയാണെന്ന് അധികൃതര് വ്യക്തമാക്കി.