യുഎഇയിൽ ചെറിയ പെരുന്നാൾ അവധി പ്രഖ്യാപിച്ചു. ഏപ്രിൽ എട്ട് തിങ്കളാഴ്ച മുതൽ ഏപ്രിൽ 14 ഞായറാഴ്ച വരെയാണ് അവധി. പൊതുമേഖലയ്ക്ക് ഒരാഴ്ച നീണ്ടു നിൽക്കുന്ന അവധി ആണ് പ്രഖ്യാപിച്ചത്. വാരാന്ത്യ അവധി ദിവസങ്ങൾ കൂടി കണക്കിലെടുക്കുമ്പോൾ ആകെ ഒമ്പത് ദിവസമാണ് അവധി ലഭിക്കുക. ഏപ്രിൽ 15 മുതലാണ് പ്രവൃത്തി സമയം പുനരാരംഭിക്കുക. ശനിയും ഞായറും യുഎഇയിൽ ഔദ്യോഗിക വാരാന്ത്യ അവധി ദിവസങ്ങൾ ആയതിനാൽ ഫെഡറൽ ഗവൺമെന്റ് ജീവനക്കാർക്ക് ഒമ്പത് ദിവസത്തെ അവധി ലഭിക്കും. ശവ്വാൽ ഒന്നിനാണ് ചെറിയ പെരുന്നാൾ ആഘോഷിക്കുക. മാസപ്പിറവി ദൃശ്യമായാലും ഇല്ലെങ്കിലും ഏപ്രിൽ എട്ട് മുതൽ അവധി ആരംഭിക്കുമെന്ന് യുഎഇ സർക്കാർ വ്യക്തമാക്കി.
