ഒമാനില് ഗതാഗത നിയമങ്ങള് ലംഘിച്ച 13 പേരെ റോയല് ഒമാന് പൊലീസ് അറസ്റ്റ് ചെയ്തു. കൂടാതെ ഗതാഗത നിയമങ്ങള് ലംഘിച്ച 49 സൈക്കിളുകളും നാല് മോട്ടോര് സൈക്കിളുകളും പിടിച്ചെടുത്തു. തെക്കന് ബാത്തിന ഗവര്ണറേറ്റ് പൊലീസ് കമാന്ഡ്, റുസ്താഖ് സ്പെഷ്യല് ടാസ്ക് പൊലീസ് യൂണിറ്റിന്റെ സഹായത്തോടെയാണ് നിയമലംഘകരെ പിടികൂടിയത്. പിടിയിലായവര്ക്കെതിരെ നിയമ നടപടികള് പൂര്ത്തിയാക്കിയതായി അധികൃതര് വ്യക്തമാക്കി.
