ഹജ് പാക്കേജ് അനുസരിച്ച് പണമടച്ച ശേഷം അതേ ബുക്കിങിൽ ആശ്രിതരെ ഉൾപ്പെടുത്താൻ കഴിയില്ലെന്ന് ഹജ്, ഉംറ മന്ത്രാലയം വ്യക്തമാക്കി. പണമടച്ച ശേഷം ആശ്രിതരെ ഉൾപ്പെടുത്താൻ ആഗ്രഹിക്കുന്നവർ ആശ്രിതർക്കു വേണ്ടി വേറെ ബുക്കിങ് നടത്തണം. ഈ മാസം 11 മുതൽ ആഭ്യന്തര ഹജ് തീർഥാടകരുടെ റജിസ്ട്രേഷൻ ആരംഭിച്ചു. ഹജ്, ഉംറ മന്ത്രാലയ വെബ്സൈറ്റിലെ ഇ-ട്രാക്ക് വഴിയോ നുസുക് ആപ്പ് വഴിയോ ആണ് റജിസ്ട്രേഷൻ പൂർത്തിയാക്കേണ്ടത്.
