കുവൈത്ത് എയർപോർട്ട് ടെർമിനൽ രണ്ടിൽ തീപിടിത്തം. പാസഞ്ചർ ടെർമിനലിലാണ് തീപിടിത്തമുണ്ടായത്. അഗ്നിശമനസേന അംഗങ്ങൾ സ്ഥലത്തെത്തി തീ നിയന്ത്രണവിധേയമാക്കിയതിനാൽ വലിയ അപകടം ഒഴിവായി. ആളപായമൊന്നും റിപ്പോർട്ട് ചെയ്തിട്ടില്ല. തീ പൂർണമായി അണച്ചെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ അറിയിച്ചു. എയർ ട്രാഫിക് നാവിഗേഷനെ തീപിടിത്തം ബാധിച്ചില്ലെന്ന് അധികൃതർ പറഞ്ഞു.
