ഹജ്ജിന് അവസരം നല്‍കാമെന്ന് വാഗ്ദാനം ചെയ്ത് യു.എ.ഇയില്‍ 150 പേരില്‍ നിന്നായി 30 ലക്ഷത്തോളം ദിര്‍ഹം കൈക്കലാക്കി വഞ്ചിച്ച കേസില്‍ മലയാളി ടൂര്‍ ഓപറേറ്റര്‍ അറസ്റ്റില്‍. ആലുവ സ്വദേശിയാണ് അറസ്റ്റിലായത്. ഷാര്‍ജ ആസ്ഥാനമായ ട്രാവല്‍ ഏജന്‍സി ഉടമയാണ് ഇയാള്‍. യാത്രക്ക് ദിവസങ്ങള്‍ മാത്രം ബാക്കി നില്‍ക്കെ മെഡിക്കല്‍ സെന്ററില്‍ എത്തിയ തീര്‍ഥാടകരില്‍ നിന്ന് അധികൃതര്‍ ഹജ്ജിനുള്ള ഔദ്യോഗിക യാത്ര രേഖകള്‍ ആവശ്യപ്പെട്ടപ്പോഴാണ് വഞ്ചിതരായ വിവരം അറിഞ്ഞത്. മലയാളികളടക്കം നിരവധി പേരാണ് ഇയാള്‍ക്കെതിരെ പരാതിയുമായി രംഗത്ത് എത്തിയിരിക്കുന്നത്.
