പ്രവാസികൾക്ക് ഒരു സന്തോഷ വാർത്ത! സൗദിയിൽ ഡ്രൈവർ ജോലിക്കായി എത്തുന്ന പ്രവാസികൾക്ക് സ്വന്തം രാജ്യത്തുനിന്ന് ഇഷ്യു ചെയ്ത അംഗീകൃത ലൈസൻസ് ഉപയോഗിച്ച് സൗദിയിൽ വാഹനം ഒടിക്കാം. ഇത്തരക്കാർക്ക് സ്വന്തം രാജ്യത്തെ ലൈസൻസുകൾ ഉപയോഗിച്ച് മൂന്നു മാസത്തിൽ കവിയാത്ത കാലം സൗദിയിൽ വാഹനമോടിക്കാൻ സാധിക്കുമെന്ന് സൗദി ട്രാഫിക് ഡയറക്ടറേറ്റ് അറിയിച്ചു.
ഇതിന് അംഗീകൃത കേന്ദ്രത്തിൽ നിന്ന് വിദേശ ഡ്രൈവിംഗ് ലൈസൻസ് ട്രാൻസിലേറ്റ് ചെയ്ത് കയ്യിൽ കരുതണം. കൂടാതെ ഡ്രൈവർ വിസയിൽ എത്തുന്ന വിദേശിയുടെ കയ്യിലുള്ള ലൈസൻസിന് അനുസൃതമായ വണ്ടി ആയിരിക്കണം ഓടിക്കേണ്ടത് എന്നും വ്യവസ്ഥയുണ്ട്. സ്വന്തം രാജ്യത്ത് ലൈറ്റ് വെഹിക്കിൾ ലൈസൻസുള്ളയാൾക്ക് അതേ വാഹനം മാത്രമേ സൗദിയിലും ഓടിക്കാനാകൂ. ഹെവി ലൈസൻസുള്ളയാൾക്ക് ഹെവി വാഹനങ്ങളും ഓടിക്കാം.
