നിർമാണസ്ഥലത്തെയും തൊഴിലാളികളെയും വഴിയാത്രക്കാരെയും സംരക്ഷിക്കുന്നതിന്റെ ഭാഗമായി മക്കയിൽ വാണിജ്യ റോഡുകൾക്ക് സമീപമുള്ള നിർമാണത്തിലിരിക്കുന്ന കെട്ടിടങ്ങൾ മറയ്ക്കണമെന്ന മുനിസിപ്പൽ മന്ത്രാലയത്തിൻറെ പുതിയ നിയമം നടപ്പാക്കി തുടങ്ങി. മക്ക മുനിസിപ്പാലിറ്റിയാണ് തുടക്കം കുറിച്ചത്.പൊതുവായ കാഴ്ചക്കുള്ള തടസ്സങ്ങളെ ഒഴിവാക്കുക, നിർമാണ സ്ഥലത്തെ സുരക്ഷ ഉറപ്പാക്കുക, നാശനഷ്ടങ്ങൾ ഒഴിവാക്കുക എന്നിവയാണ് ഇതിലൂടെലക്‌ഷ്യം വെക്കുന്നത്. പിഴകൾ ഒഴിവാക്കുന്നതിനായി നിയമം പാലിക്കേണ്ടതാനെന്നു മുനിസിപ്പാലിറ്റിയുടെ ഔദ്യോഗിക വക്താവ് ഒസാമ സൈത്തൂനി പറഞ്ഞു. സെപ്റ്റംബർ 27 മുതലാണ് നിയമം പ്രാബല്യത്തിൽ വന്നിട്ടുള്ളത്. നെയ്ത വലകൾ ഉപയോഗിച്ചായിരിക്കണം കെട്ടിടങ്ങളുടെ പൂർണമായി മറയ്ക്കേണ്ടത്.
