കുവൈത്തിൽ ഗതാഗത ലംഘനത്തിന് പിഴ ചുമത്തപ്പെട്ട പ്രവാസികൾക്ക് പിഴയടച്ച ശേഷം മാത്രമേ രാജ്യം വിടാനാകു എന്ന് കുവൈത്ത് ആഭ്യന്തര മന്ത്രാലയം. കര, നാവിക, വ്യോമ അതിർത്തി കടക്കുന്നവർക്ക് നിയമം ബാധകമാണ്. രാജ്യം വിടുന്നത് ഏത് കാരണത്താലായാലും ഇളവുകൾ നൽകില്ലെന്നും ആഭ്യന്തര മന്ത്രാലയം അറിയിച്ചു. പ്രവാസികളിൽ നിന്നുള്ള പിഴയടക്കമുള്ള കുടിശികകൾ പിരിച്ചെടുക്കുന്ന നടപടികളുടെ ഭാഗമായാണിത്. ട്രാഫിക് വിഭാഗത്തിൻറെ ആസ്ഥാനങ്ങളിൽ നേരിട്ടോ ആഭ്യന്തര മന്ത്രാലയത്തിൻറെ പോർട്ടൽ വഴി ഓൺലൈനായോ പിഴയടയ്ക്കാം. അതുമല്ലെങ്കിൽ വിമാനത്താവളങ്ങളിലും മറ്റ് പ്രവേശന കവാടങ്ങളിലും പിഴ അടയ്ക്കാൻ സൗകര്യം ഏർപ്പെടുത്തിയിട്ടുണ്ട്.
