യുഎഇ ആരോഗ്യമേഖലയില്‍ ലൈസന്‍സില്ലാതെ പ്രവര്‍ത്തിക്കുന്നവര്‍ക്ക് കടുത്ത ശിക്ഷ നല്‍കുന്ന പുതിയ ഫെഡറല്‍ ആരോഗ്യ നിയമത്തിന് സര്‍ക്കാര്‍ അംഗീകാരം നല്‍കി. നഴ്സിങ്, മെഡിക്കല്‍ ലാബ് തുടങ്ങി മെഡിക്കല്‍ റേഡിയഗ്രഫി വരെ നീളുന്ന മേഖലയില്‍ പ്രവര്‍ത്തിക്കുന്ന സ്ഥാപനങ്ങള്‍ക്കും പൊഫഷണലുകള്‍ക്കും പുതിയ നിയമം ബാധകമാണ്. ലൈസന്‍സുള്ള മെഡിക്കല്‍ പ്രൊഫഷണലുകളുടെ ദേശീയ മെഡിക്കല്‍ രജസ്ട്രി സ്ഥാപിക്കാനും സര്‍ക്കാര്‍ തീരുമാനിച്ചിട്ടുണ്ട്. മാധ്യമങ്ങള്‍ വഴി ലൈസന്‍സുള്ളതായി പ്രചരിപ്പിച്ച് പൊതുജനങ്ങളെ വഞ്ചിച്ചാല്‍ 50,000 ദിര്‍ഹം മുതല്‍ ഒരു ലക്ഷം ദിര്‍ഹം വരെ പിഴയും തടവും ശിക്ഷയായി ലഭിക്കും. ഗുരുതര നിയമ ലംഘനങ്ങള്‍ ശ്രദ്ധയില്‍പ്പെട്ടാല്‍ ലൈസന്‍സുകള്‍ പിന്‍വലിക്കുമെന്നും സ്ഥാപനം പൂട്ടാന്‍ നടപടി സ്വീകരിക്കുമെന്നും നിയമം വ്യക്തമാക്കുന്നു.
