ദോഹ: ഖത്തറിലുണ്ടായ വാഹനാപകടത്തിൽ മലയാളികളടക്കം അഞ്ച് ഇന്ത്യക്കാർ മരിച്ചു. കൊല്ലം സ്വദേശികളായ റോഷിൻ ജോൺ, ഭാര്യ ആൻസി ഗോമസ്, ആൻസിയുടെ സഹോദരൻ ജിജോ ഗോമസ്, ഇവരുടെ സുഹൃത്തുക്കളും തമിഴ്നാട് സ്വദേശികളുമായ നാഗലക്ഷ്മി ചന്ദ്രശേഖരൻ, ഭർത്താവ് പ്രവീൺകുമാർ എന്നിവരാണ് മരിച്ചത്. മരിച്ച മലയാളി ദമ്പതികളുടെ മകൻ ഗുരുതര പരിക്കേറ്റ് ചികിത്സയിലാണ്. ബുധനാഴ്ച രാത്രി ദോഹയിലെ അൽഖോറിലായിരുന്നു അപകടം. അൽഖോറിലെ ഫ്ളൈ ഓവറിൽ വച്ച് ഇവർ സഞ്ചരിച്ചിരുന്ന വാഹനം അപകടത്തിൽപ്പെട്ട് പാലത്തിൽ നിന്ന് താഴേക്ക് വീഴുകയായിരുന്നു.
