സൗദി: സൗദി അറേബ്യയില് പ്രവേശന വിലക്കുണ്ടായിരുന്ന ഹജ്ജ് തീർത്ഥാടകരെ വിമാനത്താവളത്തില് നിന്ന് തിരിച്ചയച്ചു. തെലങ്കാന സ്വദേശികളായ മുഹമ്മദ് അബ്ദുല് ഖാദര്, ഭാര്യ ഫരീദ ബീഗം എന്നവരെയാണ് സൗദി അധികൃതര് ജിദ്ദ വിമാനത്താവളത്തില് നിന്ന് തിരിച്ചയച്ചത്. ഇരുവരും തെലങ്കാന ഹജ്ജ് കമ്മിറ്റി വഴിയാണ് ഹജ്ജിനെത്തിയിരുന്നത്. ഫരീദ ബീഗത്തിന് സൗദിയില് പ്രവേശിക്കുന്നതിന് നേരത്തെ വിലക്കേര്പ്പെടുത്തിയിട്ടുണ്ടെന്നും പാസ്പോര്ട്ട് ബ്ലാക് ലിസ്റ്റ് ചെയ്തിരിക്കുകയാണെന്നും ജിദ്ദ വിമാനത്താവളത്തിലെ എമിഗ്രേഷന് ഉദ്യോഗസ്ഥര് അറിയിച്ചു. ഭര്ത്താവിന്റെ ഹജ്ജ് അപേക്ഷയും ഒരേ കവര് നമ്പറിലായിരുന്നതിനാല് അദ്ദേഹത്തിനും പ്രവേശനം നിഷേധിക്കുകയായിരുന്നു. തുടര്ന്ന് അധികൃതരുടെ നിര്ദേശ പ്രകാരം ഇവരെ മുംബൈയിലേക്ക് തിരിച്ചയച്ചു.
