ദുബായ്: കേന്ദ്രസർക്കാർ അനുമതി ലഭിച്ചാൽ യു.എ.ഇ -കേരള സെക്ടറിൽ ചാർട്ടേഡ് വിമാന, കപ്പൽ സർവീസ് ആരംഭിക്കാൻ സംസ്ഥാന സർക്കാർ തയ്യാറാണെന്ന് തുറമുഖ മന്ത്രി അഹമ്മദ് ദേവർകോവിൽ പറഞ്ഞു. മലബാർ ഡെവലപ്മെന്‍റ് കൗൺസിൽ പ്രതിനിധി സംഘവുമായി കോഴിക്കോട്ട് നടത്തിയ ചർച്ചയിലാണ് ഇക്കാര്യം മന്ത്രി വ്യക്തമാക്കിയത്. ഈ ആവശ്യം ഉന്നയിച്ച് കൗൺസിൽ മുഖ്യമന്ത്രിയ്ക്ക് നിവേദനം നൽകിയിരുന്നു. ഇക്കാര്യം പരിശോധിച്ച് ഉചിതമായ നടപടിയെടുക്കാൻ തന്നെയും മാരിടൈം ബോർഡിനെയും മുഖ്യമന്ത്രി ചുമതലപ്പെടുത്തിയതായി മന്ത്രി അറിയിച്ചു.
