ദുബായ്: അബുദാബിയിലും ദുബായിലും വരും ദിവസങ്ങളില്‍ കനത്ത മഴയ്ക്ക് സാദ്ധ്യത. മഴ മൂലമുണ്ടായേക്കാവുന്ന അപകടങ്ങള്‍ ഒഴിവാക്കാന്‍ ജാഗ്രത പാലിക്കണമെന്ന് പൊലീസ് അറിയിച്ചു.കടല്‍ത്തീരത്ത് നിന്നും വെള്ളക്കെട്ടില്‍ നിന്നും വിട്ട് നില്‍ക്കാന്‍ ദുബായ് പോലീസും വാഹനമോടിക്കുന്നവര്‍ ശ്രദ്ധിക്കണമെന്നും വേഗപരിധി പാലിക്കണമെന്നും അബുദാബി പോലീസും അറിയിച്ചു. എമറേറ്റ്സിന്റെ പടിഞ്ഞാറന്‍ മേഖലയിലും വടക്കൻ മേഖലയിലും വ്യാഴാഴ്ച വരെ മഴയ്ക്ക് സാദ്ധ്യതയുണ്ട്. പ്രദേശങ്ങളിൽ താപനില 12 മുതല്‍ 17 ഡിഗ്രി സെല്‍ഷ്യസ് വരെ കുറയുമെന്ന് അധികൃതർ അറിയിച്ചു.
