കുവൈറ്റ് സിറ്റി: കുവൈറ്റിൽ ലഗേജിനുള്ളില് മയക്കുമരുന്ന് ഒളിപ്പിച്ചുവെച്ച് കടത്താന് ശ്രമിച്ച പ്രവാസി കുവൈത്ത് അന്താരാഷ്ട്ര വിമാനത്താവളത്തില് അറസ്റ്റിലായി. 250 ഗ്രാം ഹാഷിഷാണ് ഇയാളുടെ കൈയിൽ നിന്നും പോലീസ് പിടിച്ചെടുത്തത്. ഏഷ്യൻ പൗരനാണ് പിടിയിലായത്. ഇയാളെക്കുറിച്ചുള്ള മറ്റ് വിവരങ്ങള് ലഭ്യമല്ല. പ്രതിയെ തുടര് നടപടികള്ക്കായി ബന്ധപ്പെട്ട വകുപ്പുകള്ക്ക് കൈമാറിയതായി കസ്റ്റംസ് അറിയിച്ചു.
