റിയാദ്: സൗദിയില്‍ സര്‍ക്കാര്‍, സ്വകാര്യ കിന്‍ഡര്‍ ഗാര്‍ഡന്‍, പ്രൈമറി തല സ്‌കൂളുകള്‍ വീണ്ടും പ്രവര്‍ത്തനമാരംഭിച്ചു. കോവിഡ് പശ്ചാത്തലത്തില്‍ രണ്ട് വര്‍ഷത്തെ ഇടവേളയ്ക്ക് ശേഷമാണ് നടപടി. എന്നാല്‍ ഇന്ത്യന്‍ എംബസി സ്‌കൂളുകള്‍, സി.ബി.എസ്.സി സ്‌കൂളുകളുടെ പ്രവര്‍ത്തനം തീരുമാനമായിട്ടില്ല.
കോവിഡ് സാഹചര്യം നിയന്ത്രണവിധേയമായ സാഹചര്യത്തില്‍ സ്‌കൂളുകളുടെ പ്രവര്‍ത്തനത്തിന് സര്‍ക്കാര്‍ അനുമതി നല്‍കിയിരുന്നു. ഏഴ് മുതലുള്ള ക്ലാസ്സുകളില്‍ മുമ്പ് സാധാരണ രീതിയില്‍ പഠനം ആരംഭിച്ചിരുന്നു. ചെറിയ ക്ലാസ്സ് മുതല്‍ 6 വരെയുള്ള ക്ലാസ്സുകളിലെ പഠനമാണ് ഇന്ന് മുതല്‍ ആരംഭിച്ചത്.
