യുഎഇയിൽ ബൂസ്റ്റർ ഡോസ് സ്വീകരിക്കുന്നത് നിർബന്ധമാക്കി. ഒമിക്രോൺ വകഭേദത്തിനെതിരെയുള്ള പ്രതിരോധം ശക്തമാക്കുന്നതിന് വേണ്ടിയാണ് ഈ നടപടി സ്വീകരിച്ചിരിക്കുന്നത്. കോവിഡ് വാക്‌സിൻ രണ്ട് ഡോസും സ്വീകരിച്ച് ആറ് മാസം കഴിഞ്ഞിട്ടും ബൂസ്റ്റർ ഡോസ് എടുക്കാത്തവരുടെ അൽ ഹൊസൈൻ ആപ്പിൽ പിസിആർ പരിശോധന ഫലം നെഗറ്റീവ് ആയാൽ പോലും ഗ്രീൻ പാസ് കാണിക്കില്ല.
അബുദാബിയിൽ സർക്കാർ സ്ഥാപനങ്ങളിലും സ്വകാര്യ സ്ഥാപനങ്ങളിലും പ്രവേശിക്കാൻ ഗ്രീൻ പാസ് നിർബന്ധമാക്കിയിരുന്നു. എന്നാൽ ദുബായ് ഉൾപ്പെടെയുള്ള മറ്റ് എമിറേറ്റുകളിൽ മാളുകളിലും മറ്റും പ്രവേശിക്കാൻ ഗ്രീൻ പാസ് നിർബന്ധമല്ല.
