സൗദിയിലെ നിയോമിൽ ഒക്സഗൺ എന്ന് പേരിട്ടിരിക്കുന്ന ലോകത്തിലെ ഏറ്റവും വലിയ ഒഴുകുന്ന വ്യവസായിക നഗരം വരുന്നു. രാജ്യത്തിൻ്റെ സാമ്പത്തിക വളർച്ചക്കും വൈവിധ്യവത്കരണത്തിനും ഒക്സഗൺ ഉത്തേജകമാകുമെന്ന് പറഞ്ഞുകൊണ്ട് കിരീടവകാശി മുഹമ്മദ് ബിൻ സൽമാൻ നഗരിയുടെ പ്രഖ്യാപനം നടത്തി.
എയർപോർട്ട് കണക്ഷൻ, തുറമുഖം, ലോജിസ്റ്റിക്‌സ്, റെയിൽ ഡെലിവറി, ഇൻറർനെറ്റ് ഓഫ് തിങ്സ്, മനുഷ്യ-മെഷീൻ ഇടപെടൽ, ആർട്ടിഫിഷ്യൽ ഇൻറലിജൻസ്, റോബോട്ടിക്സ് എന്നിങ്ങനെ നിരവധി സൗകര്യങ്ങൾ ഉൾപ്പെടുത്തിക്കൊണ്ടുള്ള ലോകത്തിലെ ഏറ്റവും സാങ്കേതിക മികവുള്ള വ്യവസായ നഗരമായിരിക്കും ഒക്സഗൺ.
