സൗദി കറന്‍സി നോട്ടുകൾ കീറുന്നത്, ഭാഗികമായി നശിപ്പിക്കുന്നത്, നോട്ടുകളിലെയും നാണയങ്ങളിലെയും അടയാളങ്ങള്‍ കരുതിക്കൂട്ടി മാറ്റുന്നത്, രാസപദാര്‍ത്ഥങ്ങള്‍ ഉപയോഗിച്ച് കഴുകല്‍, ഭാരവും വലിപ്പവും കുറയ്ക്കല്‍ എന്നീ കുറ്റങ്ങള്‍ ചെയ്യുന്നവർക്ക് തടവ് ശിക്ഷയും പിഴയും ലഭിക്കുമെന്ന് സൗദി പബ്ലിക്ക് പ്രോസിക്യൂഷൻ അറിയിച്ചു.
മൂന്നു മുതല്‍ അഞ്ചു വര്‍ഷം വരെ തടവുശിക്ഷയും 3,000 റിയാല്‍ മുതല്‍ 10,000 റിയാല്‍ വരെ പിഴയും അല്ലെങ്കില്‍ ഇവയില്‍ ഏതെങ്കിലും ഒന്നോ ലഭിക്കുമെന്ന് പബ്ലിക് പ്രോസിക്യൂഷന്‍ മുന്നറിയിപ്പ് നൽകി.
