കുവൈത്ത്: കുവൈത്തില്‍ ഈ വര്‍ഷം 3,16,700 പ്രവാസികളുടെ ഇഖാമ റദ്ദായതായി കണക്ക്. കോവിഡ് പശ്ചാത്തലത്തില്‍ രാജ്യത്ത് മടങ്ങിയെത്തി ജോലിയില്‍ പ്രവേശിക്കാന്‍ സാധിക്കാത്തവര്‍, നിയമ ലംഘനത്തിന് പിടിക്കപ്പെട്ട് നാട് കടത്തപ്പെട്ടവര്‍, ജോലി അവസാനിപ്പിച്ച് നാട്ടിലേയ്ക്ക് മടങ്ങിപ്പോയവര്‍ തുടങ്ങിയവരുടെ കണക്കാണിത്.
ഇഖാമ റദ്ദായവരില്‍ ഭൂരിഭാഗവും അറബ്, ഏഷ്യന്‍ രാജ്യങ്ങളില്‍നിന്നുള്ളവരാണ്. കോവിഡ് സാഹചര്യമാണ് ഇത്രയധികം ഇഖാമകള്‍ റദ്ദാകാന്‍ കാരണമായതെന്നാണ് വിലയിരുത്തല്‍.
Related posts
അതേസമയം, കോവിഡ് സാഹചര്യത്തില്‍ രാജ്യത്ത് മടങ്ങിയെത്തി ഇഖാമ പുതുക്കാന്‍ സാധിക്കാതെപോയവര്‍ക്ക് ഓണ്‍ലൈനായി പുതുക്കുന്നതിനുള്ള അവസരമുണ്ടെന്ന് അധികൃതര്‍ അറിയിച്ചു. ആറ് മാസം തുടര്‍ച്ചയായി രാജ്യത്തിന് പുറത്ത് താമസിച്ചാല്‍ സ്വമേധയാ ഇഖാമ റദ്ദാകുന്ന സാഹചര്യം താല്‍ക്കാലികമായി നിര്‍ത്തിവച്ചിട്ടുണ്ട്.
