യുഎഇയിൽ ഡ്രൈവിങ് ടെസ്റ്റും ലൈസന്‍സിങ് സേവനങ്ങളും ഇനി മുതല്‍ വെള്ളി, ശനി ദിവസങ്ങളിലും ലഭ്യമാവുമെന്ന് അബുദാബി പോലീസ് അറിയിച്ചു. പ്രവർത്തി ദിവസങ്ങളിൽ മറ്റ് തിരക്കുകൾ മൂലം ഡ്രൈവിങ് ടെസ്റ്റിനോ ലൈസന്‍സിനായുള്ള മറ്റ് ഇടപാടുകള്‍ നടത്താൻ സാധിക്കാത്തവര്‍ക്ക് ഇത് ഏറെ സഹായകരമാകും.
ഉപഭോക്താക്കളെ കൂടുതല്‍ സന്തോഷിപ്പിക്കുവാനാണ് പോലീസ് ലക്ഷ്യമിടുന്നതെന്നും പൗരന്മാരുടെ സൗകര്യപ്രദം സേവനങ്ങള്‍ ഉപയോഗപ്പെടുത്താമെന്നും അബുദാബി പൊലീസ് ഡ്രൈവേഴ്‍സ് ആന്റ് വെഹിക്കിള്‍സ് ലൈസന്‍സിങ് വിഭാഗം ഡയറക്ടര്‍ കേണല്‍ മുഹമ്മദ് അല്‍ ബുറൈക് അല്‍ അമീരി പറഞ്ഞു.
