കുവൈറ്റ്; ഡ്രൈവിംഗ് ലൈസന്‍സും വാഹന രജിസ്‌ട്രേഷന്‍ രേഖയും ഡിജിറ്റല്‍ രൂപത്തിലാക്കാനൊരുങ്ങി കുവൈറ്റ് ഗതാഗത വകുപ്പ്. സിവില്‍ ഐഡിയുടെ ഡിജിറ്റല്‍ പതിപ്പായ കുവൈത്ത് മൊബൈല്‍ ഐഡി ആപ്ലിക്കേഷന് ലഭിച്ച സ്വീകാര്യത കണക്കിലെടുത്ത് സമാന മാതൃകയില്‍ ഡ്രൈവിംഗ് ലൈസന്‍സും വാഹന രജിസ്‌ട്രേഷൻ കാര്‍ഡും മാറ്റാനാണ് ട്രാഫിക്ക് ഡിപ്പാര്‍ട്ടമെന്റ് പദ്ധതിയിടുന്നത്. സര്‍ക്കാര്‍ സേവനങ്ങള്‍ പരമാവധി പേപ്പര്‍ ലെസ്സ് ആക്കുന്നതിന്റെ ഭാഗം കൂടിയാണ് പുതിയ നീക്കം.
നിയമലംഘനങ്ങള്‍ക്കുള്ള പിഴ ഈടാക്കല്‍, ഇന്‍ഷുറന്‍സ് നടപടികള്‍ തുടങ്ങിയവ എളുപ്പമാക്കാൻ ഡിജിറ്റലൈസേഷന്‍ സഹായകമാകും. കൂടാതെ കാർഡ് രൂപത്തിലുള്ള പതിപ്പുകൾ കൂടെ കൊണ്ടുനടക്കേണ്ട ആവശ്യവും വരുന്നില്ല. ട്രാഫിക്ക് രേഖകള്‍ സിവില്‍ ഐഡിയുടെ ഡിജിറ്റല്‍ പതിപ്പായ കുവൈത്ത് മൊബൈല്‍ ഐഡിയില്‍ ചേർക്കുന്നതിനോ പ്രത്യേകം ആപ്ലിക്കേഷന് തയ്യാറാക്കുന്നതിനോ ആണ് ആലോചന നടക്കുന്നത്.
