ദുബായിൽ മൂന്ന് വിഭാഗങ്ങൾക്ക് ഫൈസര്‍ – ബയോ എന്‍ടെക് കൊവിഡ് വാക്സിന്റെ ബൂസ്റ്റര്‍ ഡോസ് സ്വീകരിക്കാൻ ദുബൈ ഹെല്‍ത്ത് അതോറിറ്റി അനുമതി നൽകി. രണ്ടാം ഡോസ് വാക്സിന്‍ സ്വീകരിച്ച ശേഷം ആറ് മാസമോ അതില്‍ കൂടുതലോ ആയ 60 വയസിന് മുകളില്‍ പ്രായമുള്ളവര്‍,
50നും 59നും ഇടയില്‍ പ്രായമുള്ള ഗുരുതര രോഗങ്ങളുള്ളവര്‍,
ദീര്‍ഘകാല പരിചരണം ആവശ്യമുള്ള രോഗങ്ങളുള്ള 18നോ അതിന് മുകളിലോ പ്രായമുള്ളവര്‍ എന്നീ വിഭാഗങ്ങളിൽ ഉള്ളവർക്ക് ബൂസ്റ്റര്‍ ഡോസ് എടുക്കാവുന്നതാണ്.
രാജ്യത്തെ പ്രത്യേക വിഭാഗങ്ങള്‍ക്ക് ഫൈസര്‍ ബയോ എന്‍ടെക് വാക്സിന്റെയും സ്‍പടുനിക് വാക്സിന്റെയും ബൂസ്റ്റര്‍ ഡോസുകള്‍ക്ക് അടിയന്തര ഉപയോഗത്തിനുള്ള അനുമതിയാണ് ഇപ്പോള്‍ ഉള്ളത്. ഔദ്യോഗിക മൊബൈല്‍ ആപ് വഴിയോ 800342 എന്ന നമ്പറില്‍ വാട്സ്ആപ് വഴി ബന്ധപ്പെട്ടോ ബൂസ്റ്റർ ഡോസിനുള്ള അപ്പോയിന്റ്മെന്റ് എടുക്കാവുന്നതാണ്.
