വരാനിരിക്കുന്ന ഫിഫ അറബ് കപ്പ്, ഫിഫ ലോകകപ്പ് തുടങ്ങിയവ കാണുന്നതിനായി ഖത്തറിലേക്ക് വരാന്‍ ആഗ്രഹിക്കുന്ന വിദേശികള്‍ക്ക് താമസ സൗകര്യം ഒരുക്കുന്നതിന് പുതിയ പദ്ധതിയുമായി ലോകകപ്പ് പ്രാദേശിക സംഘാടകരായ സുപ്രീം കമ്മിറ്റി ഫോര്‍ ഡെലിവറി ആന്‍റ് ലെഗസി. ഹോസ്റ്റ് എ ഫാന്‍ എന്ന പേരിൽ നടപ്പാക്കുന്ന പദ്ധതിയിലൂടെ പ്രത്യേക രജിസ്ട്രേഷന്‍ വഴി സന്നദ്ധത അറിയിക്കുന്ന ഖത്തര്‍ താമസക്കാരെയും ആതിഥ്യം ആഗ്രഹിക്കുന്ന കാണികളെയും ബന്ധിപ്പിക്കാൻ സാധിക്കും.
പ്രദേശവാസിയുടെ കണ്ണിലൂടെ ഖത്തറിന്‍റെ സമ്പന്നമായ സാംസ്കാരികത കാണാനും പരമ്പരാഗതവും ഹൃദ്യവുമായ ആതിഥ്യമര്യാദകൾ അനുഭവിച്ചറിയാനും അവസരമൊരുക്കുകയാണ് പദ്ധതിയുടെ ലക്ഷ്യമെന്നും പ്രോജക്ട് മാനേജര്‍ ഖാലിദ് അല്‍ ജുമൈലി പറഞ്ഞു.
hostafan.qa എന്ന വെബ്‌സൈറ്റ് വഴി താമസക്കാര്‍ക്കും കാണികള്‍ക്കും രജിസ്ട്രേഷന്‍ പൂർത്തിയാക്കാവുന്നതാണ്. വരുന്ന നവംബറില്‍ ആരംഭിക്കുന്ന ഫിഫ അറബ് കപ്പ് ലക്ഷ്യമാക്കിയാണ് പദ്ധതിയുടെ ആദ്യഘട്ട രജിസ്ട്രേഷന്‍ നടക്കുന്നത്. വിജയകരമായി രജിസ്ട്രേഷന്‍ പൂർത്തീകരിക്കുന്ന അതിഥിയെയും ആതിഥേയനെയും തമ്മില്‍ ബന്ധിപ്പിച്ച് താമസ സൗകര്യം ഉറപ്പുവരുത്തും. ഖത്തർ സന്ദർശിക്കുന്ന കളിയാരാധകർക്ക് ടൂര്‍ണമെന്‍റിലൂടനീളം വിവിധയിടങ്ങളിലായി താമസിച്ച് ഒരു
