കുവൈറ്റിൽ പ്രത്യേക സ്യുരക്ഷാ കാമ്പയിന് ആഭ്യന്തര മന്ത്രാലയം കഴിഞ്ഞ ആഴ്ച തുടക്കമിട്ടിരുന്നു. താമസ രേഖകളില്ലാത്ത വിദേശികൾ അടുത്തുള്ള പോലീസ് സ്റ്റേഷനിൽ കീഴടങ്ങണമെന്ന് ആഭ്യന്തരമന്ത്രാലയം അറിയിച്ചു. സ്വയമേവ മുന്നോട്ടു വരുന്നവരെ തടവുശിക്ഷയും മറ്റു നടപടികൾ ഒന്നും ഇല്ലാതെ സ്‌പോൺസറുടെ ചെലവിൽ സ്വന്തം നാട്ടിലേക്ക് അയക്കുമെന്നാണ് അസിസ്റ്റന്റ് അണ്ടർ സെക്രട്ടറിയുടെ അഭ്യർഥനയിൽനിന്ന് മനസ്സിലാകുന്നത്.
താമസരേഖകള്‍ ഇല്ലാത്ത വിദേശികൾ അടുത്തുള്ള പോലീസ് സ്റ്റേഷനിൽ കീഴടങ്ങണമെന്ന് പൊതുസുരക്ഷാ വിഭാഗം അണ്ടർ സെക്രട്ടറി മേജർ ജനറൽ ഫരാജ് അൽ സൗബി ആണ് അഭ്യർത്ഥിച്ചത്. പുതിയ വിസയിൽ കുവൈത്തിലേക്ക് തിരിച്ചുവരുന്നതിന് തടസ്സമില്ലാത്തവിധം നേരത്തെ നിരവധി തവണ പൊതുമാപ്പ് ഉൾപ്പെടെ ഇളവുകൾ നൽകിയിട്ടും പ്രയോജനപ്പെടുത്താത്തവരെ നാടുകടത്തുമെന്ന തീരുമാനത്തിലാണ് അധികൃതർ.
