യുഎഇയിൽ നാളെ (12.09.2021) നടക്കാനിരിക്കുന്ന നീറ്റ് പരീക്ഷാ ഒരുക്കങ്ങൾ പൂർത്തിയായി. യു.എ.ഇയിലെ നീറ്റ് പരീക്ഷ കേന്ദ്രം ദുബൈയിലെ ഊദ് മേത്ത ഇന്ത്യൻ ഹൈസ്കൂളായിരിക്കും. ഞായാഴ്ച ഉച്ചക്ക് 12.30 മുതൽ 3.30 വരെ നടക്കുന്ന പരീക്ഷയിൽ കനത്ത കോവിഡ് മുൻകരുതൽ നടപടികൾ സ്വീകരിച്ചുകൊണ്ടാവും വിദ്യാർഥികളെ പരീക്ഷാ ഹാളിലേക്ക് പ്രവേശിപ്പിക്കുക.
രാവിലെ 9.30 മുതൽ ഉച്ചക്ക് 12 വരെയാണ് പ്രവേശന സമയം. ഊദ് മേത്ത സെന്റ് മേരീസ് പള്ളിയുടെ എതിർവശത്തുള്ള ഗേറ്റ് നമ്പർ 4,5,6 എന്നിവ മുഖേന വേണം വിദ്യാർഥികൾ സ്കൂളിലേക്ക് പ്രവേശിക്കാൻ. പ്രദേശത്ത് പാർക്കിങ് സൗകര്യം കുറവാണെന്നതിനാൽ കുട്ടികളെ ഇറക്കാനും കയറ്റാനും മാത്രമെ രക്ഷിതാക്കൾക്ക് അനുമതിയുണ്ടാകൂ.
