അഫ്ഗാനിസ്ഥാനെ താലിബാൻ പിടിച്ചെടുത്ത സാഹചര്യത്തിൽ ഇനിയൊരു അറിയിപ്പ് ഉണ്ടാകുന്നതുവരെ കാബൂളിലേക്കുള്ള സർവീസുകൾ എമിറേറ്റ്സ് എയർലൈനും ഫ്ലൈ ദുബായും നിർത്തിവച്ചതായി എമിറേറ്റ്സ് വ്യക്തമാക്കി. ഞായറാഴ്ച കാബൂളിലേക്കു പുറപ്പെട്ട ബോയിങ് 737 വിമാനത്തിന് ദുബായിലേക്കു മടങ്ങേണ്ടിവന്നതായും ഫ്ലൈദുബായ് അറിയിച്ചു. സ്ഥിതിഗതികൾ നിരീക്ഷിക്കുകയാണെന്നും എമിറേറ്റ്സ് വ്യക്തമാക്കി.
