സൗദി റെഡ് ലിസ്റ്റില്‍ ഉള്‍പ്പെടുത്തിയിട്ടുള്ള ഇന്ത്യയുള്‍പ്പെടെയുള്ള രാജ്യങ്ങളില്‍ നിന്നുള്ളവരുടെ സന്ദര്‍ശക വിസ കാലാവധി സെപ്തംബര്‍ 30 വരെ സൗജന്യമായി നീട്ടി നൽകി സൗദി അറേബ്യ. ഇന്ത്യയടക്കമുള്ള രാജ്യങ്ങളിലെ പ്രവാസികൾക്ക് ആശ്വാസം പകരുന്ന വാർത്തയാണിത്. സൗദി അറേബ്യയിലേക്ക് നേരിട്ട് വിമാന സര്‍വീസുകള്‍ പുനരാരംഭിച്ചിട്ടില്ലാത്ത രാജ്യങ്ങളില്‍ നിന്നുള്ളവര്‍ക്കാണ് ആനുകൂല്യം ലഭിക്കുക.
ഉപയോഗിക്കാത്ത വിസിറ്റിങ് വിസകളുടെ കാലാവധി വീണ്ടും പുതുക്കി നല്‍കി. സൗജന്യമായും ഓട്ടോമാറ്റിക് സംവിധാനം വഴിയുമാണ് കാലാവധി നീട്ടി നല്‍കുക. കാലാവധി അവസാനിച്ചതും വരും ദിവസങ്ങളില്‍ അവസാനിക്കുന്നതുമായ സന്ദര്‍ശക വിസകള്‍ സെപ്തംബര്‍ 30 വരെ കാലാവധി നീട്ടി നൽകാനും ഉത്തരവുണ്ട്.
