ഉലകനായകന്‍ കമല്‍ഹാസന്റെ സിനിമാ ജീവിതത്തിന് 62 വര്‍ഷങ്ങള്‍. പ്രേക്ഷകരെ അമ്പരപ്പിക്കുന്ന വേഷങ്ങളിലൂടെ സിനിമാലോകത്തെ ത്രസിപ്പിച്ചുമുന്നേറുന്ന കമല്‍ഹാസന് ആശംസകള്‍ അര്‍പ്പിച്ച് സോഷ്യല്‍ മീഡിയകള്‍ നിറയുകയാണ്.
സിനിമയുടെ എല്ലാ മേഖലകളിലും സാന്നിദ്ധ്യമറിയിക്കാന്‍ ഇഷ്ടപ്പെടുന്ന കമല്‍, തന്റെ ഓരോ സിനിമകളിലും പുതുതായി എന്തെങ്കിലും ഉള്‍പ്പെടുത്താന്‍ ശ്രമിച്ചുപോരാറുണ്ട്. അതുകൊണ്ടുതന്നെ താരത്തിന്റെ ഓരോ സിനിമകളും ഇന്ത്യന്‍ സിനിമാ മേഖലയ്ക്ക് പഠനവിഷയമാക്കാന്‍ ഉതകുന്നതാണെന്ന് ഗവേഷകര്‍ ചൂണ്ടിക്കാണിക്കുന്നു.
