ഇന്ത്യയില്‍ നിന്ന് യു.എ.ഇയിലേക്ക് ജൂലൈ 21 വരെ യാത്രാവിമാനം ഉണ്ടായിരിക്കില്ല. ജൂലൈ 22 മുതല്‍ നിബന്ധനകളോടെ വിമാന സര്‍വീസ് പുനരാരംഭിക്കും എന്നാണ് സൂചന. എന്നാല്‍ ഇതു സംബന്ധിച്ച ഔദ്യോഗിക പ്രതികരണമൊന്നും ഉണ്ടായിട്ടില്ല. എയര്‍ ഇന്ത്യക്കും ഇത്തിഹാദിനും പിന്നാലെ എമിറേറ്റ്‌സ് എയര്‍ലൈനും ജൂലൈ 21 വരെ യാത്രാവിമാനം ഇല്ലെന്ന കാര്യം ഔദ്യോഗികമായി സ്ഥിരീകരിച്ചു. ഇന്ത്യക്ക് പുറമെ പാകിസ്ഥാന്‍, ബംഗ്ലാദേശ്, ശ്രീലങ്ക എന്നീ രാജ്യങ്ങളില്‍ നിന്നും വിമാനങ്ങളുണ്ടാവില്ല.
